'Amantes' de Vicente Aranda

Nos últimos anos produciuse un movemento inverso, é o teatro quen acode ao cine como fonte de inspiración. Amantes, obra teatral, xorde a partir de Amantes, película; película que se prestaba especialmente a ser sometida a esta "metamorfose" teatral polo seu peculiar estilo tráxico concentrado nun clásico trío, ese microcosmos onde aniñan e resolven os mil matices da paixón amorosa que Vicente Aranda, no esplendor da súa madurez como creador, analiza nun thriller sentimental que comeza como unha comedia de enredo, se interna no melodrama e culmina na catarse liberada propia da traxedia.