Xornada 'Estar en forma'

Xornada "estar en forma" na Rúa do Home Santo .
Será o sábado 3 de outubro de 10 a 14h.
• Que faremos?
Investigaremos en común que é iso de «estar en forma» cun amplo programa de actividades aberto á toda a veciñanza. Poderemos practicar as nosas disciplinas favoritas ou probar cousas novas; desde logo, botaremos unhas risas e moveremos o esquelete, cada quen segundo as súas ganas e capacidade.
• Concretamente?
Haberá ioga, baloncesto, brilé, volei, xogos tradicionais, pilates… mesmo esgrima ou danza oriental. Todo en pequenas dosis de 45 min.
• Hai que anotarse?
Non, abonda con presentarse, preferentemente con roupa axeitada. Trae compañía, o exercicio en grupo é máis divertido.