Agenda

Recital de poesía nun pub

📍 Bar Ultramarinos Casas Reais, 34

Horario: 22:00 Unha das actividades coas que o Concello celebra o Día das Letras Galegas son unha serie de recitais poéticos nos pubs de Santiago, os días 7, 14 e 21 de maio, nos que está confirmada a presencia de 24 poetas.

Concerto de Raekwon, de Wu-Tang Clan

📍 Sala Capitol Rúa Concepción Arenal, 5

Horario: 22:00 Dentro da programación do ciclo Xacobeo Importa, chega a Santiago Raekwon, un dos membros máis activos do mítico colectivo de hip-hop Wu-Tang Clan, creadores do gansta rap. Membro de Wu-Tang Clan desde a gravación do seu primeiro e clásico disco Enter the Wu-Tang: 36 Chambers, Raekwon asinou xa cinco álbums. O último é Only Built 4 Cuban Linx... Part II (2009).

Concerto de SonDeSeu polas Letras Galegas

📍 Auditorio de Galicia Avda. do Burgo das Nacións

Horario: 21:00 'Letras Galegas 2010. Homenaxe a Uxío Novoneyra' é o titulo que leva este concerto, no que a orquestra presentará o seu novo traballo, Barlovento. SonDeSeu é unha das primeiras orquestras europeas de música folk contemporánea. O seu repertorio consta de temas procedentes da tracición ordal da música popular de Galicia, arranxados especialmente para a formación polos seus compoñentes. As súas seccións abranguen gaitas, percusión, zanfonas, violíns, requintas e frautas de madeira, canto, arpas e corda pulsada. A formación naceu en 2001 no antigo departamento de Música Tradicional da Escola de Artes e Oficios, hoxe Escola Municipal de Música Folk e Tradicional de Vigo, experiencia singular que persegue a fusión entre formación especializada, práctica escénica e música en comunidade.

Galiza en Punk: Tiro na Testa, Skarmento e Bulldozers

📍 Sala NASA Cabo Sam Lourenzo 51-53

Horario: 21:30 'Galiza en Punk: Caos en Santiago DC' propón dúas noites de punk. A primeira das citas é o venres cos coruñeses Bulldozers e os lalinenses Tiro na Testa e Skarmento. Tiro na Testa, é un grupo de punk rock formado en Donramiro (Lalín) a mediados dos 90 que presentan o seu esparado novo traballo e a súa nova formación: Josoleo (bateria e voces), Costa (baixo e voces), José (guitarra e voz)? Adrián (guitarra e coros). Skarmento naceron en Lalin no 2000, despois de concertos pola comarca, Vigo, Santiago, Ourense e Lugo, chegaron a Madrid, Euskadi, Navarra e Mallorca. Despois de máis dun cento de actuacións, incluídos concertos en Francia e Alemaña, seguen dando guerra. As súas influencias están claras: Cock Sparrer, The Clash, Stiff Little Fingers, Social Distortion, Peter and the Test Tube Babies...

Concerto de Corrina Greyson

📍 Sala NASA Cabo Sam Lourenzo 51-53

Horario: 21:30 Corrina Greyson é unha das damas máis activas da actual escena soul-funk londinense. As súas impresionantes actuacións valéronlle a reputación de ser unha das mellores vocalistas femeninas de blues e soul no Reino Unido.

Concerto do pianista chino Lang Lang

📍 Pazo de Congresos e Exposicións de Galicia Recinto Ferial de Santiago - Amio, s/n

Horario: 21:00 Considerado o mellor pianista da actualidade, no seu concerto en Santiago de Compostela interpretará obras de Beethoven, Albéniz e Prokofiev.

Pablo Moro en concerto

📍 Arteria Noroeste Vista Alegre (Parque de Vista Alegre). Rúa Bispo Pélaez, 7, baixo.

Horario: 21:00 O ciclo Arteria Rock ofrece nesta ocasión o pop-rock de autor do asturiano Pablo Moro, que presenta o seu disco Pequeños placeres domésticos.

Javier Perianes coa RFG dirixida por Michal Nesterowicz

📍 Auditorio de Galicia Avda. do Burgo das Nacións

Horario: 21:00 Javier Perianes é un pianista novo pero cun importante recoñecemento internacional. Neste concerto coa Real Filharmonía de Galicia interpretará pezas de Urrutia, Rautavaara e Chopin baixo a dirección do polaco Michal Nesterowicz, de só 36 anos. Michal Nesterowicz, director Javier Perianes, piano I. Urrutia, Gerok E. Rautavaara, Canticus articus F. Chopin, Concerto para piano núm. 2 en fa menor, op. 21

Vashti Bunyan no Festival Sinsal

📍 Salón Teatro Rúa Nova, 34

Horario: 22:00 Vashti Bunyan é unha cantautora inglesa que publicou en1969 o fermoso disco Just Another Diamond Day, para despois retirarse durante 35 anos, para volver esta década reivindicada polas novas figuras do folk. Nesta segunda parte da súa carreira publicou o disco Lookaftering (2005) e unha compilación de singles e demos gravados entre o 67 e o 69. Tamén colaborou con artistas como Devendra Banhart, Vetiver ou Animal Collective.

Primeiro día das Festas da Ascensión

Comezan as Festas da Ascensión, cun programa que hoxe inclúe pasarrúas, comparsas, verbena e o concerto de Emir Kusturica & The No Smoking Orchestra. Programa do día * 12.00 h. Disparo de bombas anunciando o comezo das festas * 12.30 h. Pasarrúas: gaiteiros * 12.30 h. Comparsa de cabezudos * 20.00 h. Pasarrúas: gaiteiros * 21.00 h. 'Música no Toural': S.E.M. Big Band * 23.00 h. Orquestra París. Paseo Central da Alameda * 23.00 h. Emir Kusturica & The No Smoking Orchestra en concerto. Campus Sur

XV Certame de Teatro Intercentros

📍 Teatro Principal Rúa Nova, 21.

Horario: 20:00 Representación da obra gañadora do XV Certame de Teatro Intercentros, organizado pola Concellaría de Educación, e no que participan 14 centros escolares de Santiago e comarca. A obra seleccionada é O espello da alma, do IES Rosalía de Castro. Ao finalizar a representación farase entrega dos premios á mellor obra, ao mellor actor, á mellor actriz e ao mellor actor e actriz infantís do certame.

Concerto de Emir Kusturica & The No Smoking Orchestra

📍 Campus Sur

As Festas da Ascensión arrancan co concerto dunha das bandas máis frenéticas da música balcánica, liderada polo coñecido cineasta Emir Kusturica. A No Smoking Orchestra foi creada na convulsionada Sarajevo de 1980 por Nelle Karajlic, e hoxe está liderada polo cineasta Emir Kusturica. Pensada como unha agrupación anarco-punk, sen esquecer as súas raíces, mestura ritmos balcánicos, xitanos, centroeuropeos e mesmo árabes, cunha visión jazzística e un espírito rock. Botáronse de novo á estrada nunha xira cun repertorio que revisa temas das bandas sonoras dos filmes de Kusturica, mesmo as composicións realizadas para a readaptación para ópera de The time of the Gypsies, incluídas no seu último disco.